InicioMovementos sociais'Coidemos Lugo', o movemento que busca o compromiso dos lucenses coa súa...

‘Coidemos Lugo’, o movemento que busca o compromiso dos lucenses coa súa cidade

Guido Álvarez e Salva Arco, impulsores do movemento, mantiveron un encontro coa alcaldesa.

PUBLICADA O

- Advertisement -

A alcaldesa de Lugo, Lara Méndez, recibiu no Concello aos representes do movemento social ‘Coidemos Lugo’,  o guía turístico Guido Álvarez, e Salva Arco, capitán do Breogán. Este movemento busca concienciar sobre a necesidade de que a cidadanía se implique na limpeza, o coidado e o respecto pola cidade.

Os representantes deste movemento, que crece cada día, explicaron que a iniciativa naceu despois de que se denunciase nas redes sociais a entulleira e o estado no que quedou un muro do Camiño Primitivo, ao seu paso polo barrio do Carme, o que propiciou que se activara unha campaña baixo a etiqueta #coidemoslugo, nacida nas redes sociais pero que xa é moi activa nas súas actuacións de limpeza e concienciación. Os voceiros entregaron á rexedora unha camiseta identificativa do colectivo.

Pola súa banda, a alcaldesa agradeceu a implicación de todas as persoas deste movemento, “xa que o orgullo de ser de Lugo comeza por estar orgullosos deste tipo de iniciativas, que esixen dun compromiso persoal por mellorar a cidade que compartimos, porque se fai cidade coa cidadanía, xuntos, institucións e veciñanza, xa que todos temos a obriga de implicarnos para deixar un municipio mellor ás vindeiras xeracións”. Así mesmo, Méndez avanzou que o Concello seguirá a dar apoio ás accións deste movemento en Lugo.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...