InicioLugo e contornaC's defende a caza como un "instrumento fundamental" para conservar a fauna

C’s defende a caza como un “instrumento fundamental” para conservar a fauna

Esta formacjión insiste en que se converteu na "primeira forza política" en achegarse á sede da Federación Galega de Caza. Compite con Vox e co PP por atraer a estes votantes.

PUBLICADA O

- Advertisement -

O candidato de Ciudadanos ao Congreso pola provincia de Lugo José Manuel Blanco e o número dous pola Coruña, María Vilas, reuníronse coa Federación Galega de Caza para “escoitar as súas demandas” nun acto onde Blanco valorou a caza como “un instrumento de xestión fundamental” para a conservación tanto de poboacións de especies de fauna, como de especies naturais.

Tal como destacou a organización laranxa nun comunicado, C’s converteuse na “primeira forza política” en achegarse á sede da Federación, onde asegurou que desde a formación reafírmanse en considerar a caza como un “subsector económico relevante no conxunto do sector primario, tendo en conta da súa capacidade para xerar renda e emprego”.

Blanco transmitiu o posicionamento de Cs e considerou “oportuno continuar no esforzo de simplificar o acceso ás licenzas autonómicas, así como para difundir e potenciar a licenza interautonómica de caza e pesca e promover a adhesión ao convenio regulador da mesma por parte das comunidades autónomas”.

Unhas medidas que teñen o obxectivo, segundo o candidato de Cs, de reducir cargas administrativas e facilitar o exercicio da caza e a pesca en calquera parte do territorio nacional con “estrita observación da lexislación correspondente”.

ESPAZOS DE ENCONTRO

Doutra banda, tamén pediu que se establezan espazos de encontro cos representantes do sector para coñecer os problemas que puidesen xurdir coa actividade e tamén para utilizar a súa información e coñecemento para buscar as oportunas solucións.

Así mesmo, o número dous ao Congreso pola Coruña, María Vilas, insistiu que desde Cs “defende a caza e a pesca reguladas”, polo que a asociación “vai facer unha nova Lei de Caza e Pesca reguladas e impulsará o recoñecemento dunha soa licenza en toda España”.

Vilas lembrou que a actividade da caza xera “riqueza e emprego” pero tamén “axuda a que a xente se poida quedar no rural”.

ÚLTIMAS

XXI Xornadas Técnicas de Seragro: 14 e 15 de novembro

O comité organizador das XXI Xornadas Técnicas de Seragro está xa a traballar na...

Altri sobre a súa planta en Palas: “non emitirá dioxinas nin será prexudicial para a saúde”

Greenfiber, do grupo portugués Altri, defende que a planta de fibras téxtiles que proxecta...

Detido un veciño de Mondoñedo tras romper peches de campos de pasto de gando vacún

A Garda Civil detivo a un veciño da localidade lucense de Mondoñedo tras romper...

Cáritas advirte da existencia dunha “feminización da pobreza” na cidade durante o 2023

Cáritas Diocesana de Lugo alertou este xoves, durante o acto de presentación dos datos recolleitos...