O Diario Oficial de Galicia (DOG) publica este xoves a resolución do 18 de febreiro da Dirección Xeral de Enerxías Renovables pola que se outorga a autorización administrativa previa ás instalacións do parque eólico Penas Pardas, situado nos municipios de Abadín e A Pastoriza, en Lugo.
O parque eólico está promovido por Norvento e a autorización administrativa previa que se outorga, superados os distintos trámites, é para unha potencia de 26 MW. Contra esta resolución, que non é definitiva en vía administrativa, recóllese que se poderá interpor recurso de alzada ante a Consellería de Medio Ambiente no prazo dun mes contado a partir do día seguinte ao da súa notificación.
Unha vez outorgada a autorización administrativa previa, a autorización administrativa de construción deberase outorgar no prazo máximo de tres meses. O paso chegará unha vez que o proxecto de execución cumpra cos requisitos derivados da normativa aplicable e efectúense as modificacións e adaptacións necesarias derivadas da instrución do procedemento.
