InicioMedioambiente e PatrimonioDenuncian o estado ruinoso dunha ponte medieval, paso de peregrinos

Denuncian o estado ruinoso dunha ponte medieval, paso de peregrinos

PUBLICADA O

- Advertisement -

Alertados por uns veciños, dende o Colectivo Patrimonio dos Ancares acaban de comunicar á Dirección Xeral do Patrimonio da Xunta de Galicia e ao Concello de Sarria o mal estado en que se atopa a emblemática Ponte da Áspera, paso secular dos peregrinos para salvar o río Pequeno ou Celeiro no seu camiño cara Santiago de Compostela. De orixe baixomedieval do século XV (algúns investigadores din que do século XIII, e incluso de orixe romana), foi reformada no século XVIII. Conta con catro arcos dos que tres conservan a súa factura románica. Tres dos arcos e os tallamares contracorrente son de granito, o resto de cachotería de lousa. No ano 1986 colocouse un fito sinalizador do Camiño.

De innegable valor histórico e patrimonial, no mes de maio de 2022 o Ministerio de Transportes incluíuna dentro duns proxectos de reabilitación do Camiño de Santiago por un importe que ascendía a 230.000 euros. O 21 xuño dese ano rematou o prazo para a presentación de ofertas por parte das empresas interesadas, cun tempo de execución de 6 meses. Descoñecemos se algunha empresa se interesou ou se quedou deserto, pero o certo é que a ponte, catalogada por Patrimonio co código GA27057104 , continúa a deteriorase ano tras ano. As pedras da calzada, onde non desapareceron, están removidas, así como outras do peitoril. Parte das tuberías que se colocaron hai anos para escorrentar a auga que invadía a calzada atópanse agora á vista, e cando chove fórmanse enormes fochancas, feito que está a provocar graves danos estruturais.

Dende Patrimonio dos Ancares pediron que se recupere o pavimento orixinal, practicamente desaparecido; a consolidación e reposición das pedras dos peitorís e dos tallamares; e a eliminación da vexetación que inza toda a ponte.

A estrutura orixinal medieval da Ponte da Áspera está ao descuberto / Patrimonio dos Ancares

ÚLTIMAS

Interceptados dous xinetes que circulaban borrachos dacabalo por zona peonil no Arde Lucus

A Policía Local de Lugo notificou ao longo do fin de semana, cando se intensificaron os...

(Vídeo) O circo romano fixo vibrar ao Arde Lucus

Como cada ano, un dos momentos máis agardados da festa do Arde Lucus é o...

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

As vilas termais enxalzan en Guitiriz o potencial de Galicia, “principal destino termal de España”

A localidade luguesa de Guitiriz reuniu ás principais vilas termais galegas, que reivindicaron o...