A Consellería do Medio Rural deu por extinguido o incendio forestal que afectaba o municipio de Castro de Rei desde este venres e que finalmente calcinou unha superficie de 27,5 hectáreas.

O lume quedou extinguido ás 22,55 horas deste sábado tras iniciarse pouco antes das 16,00 horas do venres en dúas naves industriais –una delas, de labras de madeira, ardeu por completo– situadas na parroquia de Santa Locaia, e saltar ao monte.

Segundo as estimacións da Xunta, este incendio calcinou un total de 27,5 hectáreas, das cales 25 corresponden a arboledo e 2,5 a raso.

Para a súa extinción foron mobilizados tres técnicos, oito axentes, 21 brigadas, 15 motobombas, tres helicópteros e dous avións.

Mentres, permanece controlado o incendio de Palas de Rei, cunhas 125 hectáreas arrasadas na parroquia de Orosa, preto de Melide. Este lume comezou ás 16,21 do venres e 24 horas despois, sobre as 16,35 deste sábado foi controlado.

Ata o momento, segundo informa a Consellería, mobilizáronse para a súa extinción tres técnicos, 23 axentes, 23 brigadas, 18 motobombas, tres pas, catro avións e cinco helicópteros.