InicioMedioambiente e PatrimonioControlados os incendios de Palas de Rei e Castro de Rei con...

Controlados os incendios de Palas de Rei e Castro de Rei con máis de 150 hectáreas queimadas

PUBLICADA O

- Advertisement -

A Consellería do Medio Rural xa dá por controlados os dous incendios forestais que afectan os municipios lucenses de Palas de Rei e Castro de Rei. Entre ambos, suman máis de 150 hectáreas queimadas desde o venres.

O máis grande é o de Palas, cunhas 125 hectáreas arrasadas na parroquia de Orosa, preto de Melide. Iniciábase ás 16,21 do venres e 24 horas despois, sobre as 16,35 deste sábado, deuse por controlado. Ata o momento, segundo informa a Consellería, mobilizáronse para a súa extinción tres técnicos, 19 axentes, 20 brigadas, 16 motobombas, tres pas, catro avións e cinco helicópteros.

Á súa vez, quedou controlado ás 16,47 deste sábado o incendio de Castro de Rei, que afecta á parroquia de Santa Locaia.

Iniciábase pouco antes das 16,00 da tarde do venres en dúas naves industriais –una delas, de labras de madeira, ardeu por completo– e, tras saltar ao monte, leva arrasadas unhas 27,5 hectáreas. Polo momento, a Xunta mobilizou tres técnicos, sete axentes, 19 brigadas, 15 motobombas, dous avións e tres helicópteros.

OUTROS INCENDIOS

Por outra banda, segundo informa a Europa Press a Consellería do Medio Rural, o incendio que afectaba o municipio ourensán de Avión, na parroquia de Abelenda, continúa sen extinguir. No entanto, pouco antes das 10,00 horas da mañá deuse por controlado, con case 16 hectáreas queimadas.

Tamén está controlado desde pouco antes das 23,00 da noite do venres uno dos lumes que afectan a Trasmiras, concretamente o da parroquia de Vila de Rei, que afecta a 8 hectáreas. O resto deste concello xa quedaron extinguidos.

Así mesmo, a última hora da tarde do venres quedaba tamén apagado o de Rubiá, cunha estimación de 13,5 hectáreas queimadas –máis de 8 eran de monte arboledo–.

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...