A Confederación Hidrográfica do Miño-Sil (CHMS), organismo autónomo dependente do Ministerio para a Transición Ecolóxica e o Reto Demográfico, propuxo o Pedregal de Irimia como nova Reserva Natural Fluvial da Demarcación, unha iniciativa que tivo o visto e prace do Consello Nacional da Auga.
O obxectivo desta catalogación é valorizar, protexer e mellorar zonas de alto valor ecolóxico. O Pedregal de Irimia, situado no concello de Meira, posúe unhas características que lle fan meritorio para ser catalogado como reserva natural subterránea, apunta a CHMS.
Trátase dun enclave rochoso no que a auga flúe e discorre polo pedregal ladeira abaixo, dotándoo dun importante valor natural, histórico e mitolóxico.
Estas reservas decláranse en base a criterios bióticos, abióticos, hidromorfolóxicos, da calidade da auga, incluído a paisaxe, o que fai que o Pedregal de Irimia, nunha área que abarca 1,40 quilómetros cadrados, quede en zona de especial protección para a que o organismo de conca establecerá un conxunto de medidas concretas de conservación, avaliación e seguimento do seu estado ecolóxico e de fomento e valorización da reserva.