InicioMedioambiente e PatrimonioAdega insiste na paralización das obras en Carril das Flores en Lugo...

Adega insiste na paralización das obras en Carril das Flores en Lugo por afectar a dous patrimonios da humanidade

"Aínda está sen aprobar o proxecto de edificación e estase invadindo de forma ilegal o Camiño Primitivo", indica.

PUBLICADA O

- Advertisement -

A asociación ecoloxista Adega insiste en que se paralicen as obras de urbanización no Carril das Flores na cidade de Lugo por afectar a dous patrimonio da humanidade, ao Camiño Primitivo a Santiago e á muralla romana.

Estas presións inclúen mobilizacións, como unha convocada para a tarde deste luns baixo a lema ‘Outro Garañón na Muralla’, a partir das 20,00 horas nas inmediacións da porta de San Pedro. Un dos portavoces de Adega, Froilán Pallín, xustificou estas accións de protesta porque “son unha forma de pór en valor o que ten a cidade”.

Estas obras contan co beneplácito do Concello de Lugo, que afectan tamén a unha pasarela metálica de paso que xa se tirou e que unía a rúa San Roque coa Rolda da Muralla, no que sería unha solución provisional hai máis de 40 anos e que non se viu corrixida ata agora, indica.

Pallín aproveitou para lembrar que “aínda está sen aprobar o proxecto de edificación e estase invadindo de forma ilegal o Camiño Primitivo e ademais é unha zona que está á beira da muralla e que leva anos bota unha vergoña”, avisou. Este ecoloxista quixo ilustrar cun exemplo o que se acomete neste lugar, e así proclamou que “a ninguén se lle ocorre que á beira do Acueducto (de Segovia) se faga un edificio á mesma altura do acueducto”. “Hai que ter capacidade de xestión e hai que escoitar e aceptar as propostas de colaboración. Aínda estamos a tempo de que quede decente“, reivindicou.

Adega permanece á espera do recurso de casación que presentaron ante o Tribunal Supremo para a paralización dos traballos, un recurso “que pasou o filtrou do Tribunal Superior de Xustiza de Galicia, que informou favorablemente para que se tramite este recurso de casación”, confirmou finalmente o activista Froilán Pallín.

ÚLTIMAS

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...

Detida unha muller por violencia doméstica ao agredir ao seu home e a outra muller

Unha muller foi detida en Lugo acusada dun delito no ámbito familiar e de lesións por...

Detidos tres veciños de Vilalba acusados de vender pezas de coches por Internet e non remitilas aos seus compradores

A Garda Civil detivo a tres veciños do municipio lucense de Vilalba acusados de vender pezas...