InicioMedioambiente e PatrimonioA seca do encoro de Belesar deixa á vista as ruínas do...

A seca do encoro de Belesar deixa á vista as ruínas do vello pobo de Portomarín

O alcalde de Portomarín advertiu de que levan "xa un par de anos en que esta baixada do caudal é moi considerable".

PUBLICADA O

- Advertisement -

A seca do encoro de Belesar deixou á vista as ruínas do vello pobo de Portomarín, que foi sepultado pola presa na década do sesenta do pasado século aínda que moitas das edificacións foron trasladadas á actual localización.

O alcalde deste municipio, Pablo Rivas, constatou que “o vello Portomarín está ao descuberto polo baixo caudal que trae o encoro de Belesar, que está moi baixo”. Tan baixo de auga está que aínda que “no verán o caudal é sempre baixo”, o alcalde de Portomarín advertiu de que levan “xa un par de anos en que esta baixada do caudal é moi considerable”.

Rivas apelou ao “impacto negativo” deste escenario e puxo o acento nos problemas con que se poden topar “con actividades que se desenvolven no encoro”. Tamén considera contraproducente esta situación “a nivel ecolóxico, que pode ser moi prexudicial para o Río Miño, e en canto a actividades no río e o impacto económico para o concello”.

O alcalde de Portomarín puntualizou que “a subministración de auga” no municipio está “garantido“. “Porque non temos a captación do encoro, pero noutros puntos do río si que podería verse afectado esa subministración”, concluíu Pablo Rivas.

ÚLTIMAS

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...

Descubrindo o cemiterio de San Froilán

Os cemiterios son unha desas infraestruturas que resulta imprescindible para calquera cidade. Cada vez os...

(Vídeo) Así quedou unha mámoa protexida en Navia de Suarna, cun gran buraco de case medio metro de profundidade

As asociacións solicitan ante a Dirección Xeral do Patrimonio Cultural que se realice unha...

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...