InicioMedioambiente e PatrimonioInvestigan un veciño das Nogais por colocar unha rede de lazos de...

Investigan un veciño das Nogais por colocar unha rede de lazos de aceiro no monte

O suposto autor dun delito de maltrato animal foi sorprendido in fraganti cando instalaba unha das súas trampas no monte da Silva (Vilarín).

PUBLICADA O

- Advertisement -

A Garda Civil imputa en calidade de investigado un veciño das Nogais de 55 anos como presunto autor dun delito relativo á protección da flora e fauna silvestres, un de malos tratos de animais domésticos e outro de danos, así como por irregularidades administrativas á normativa de caza e protección da biodiversidade, tras colocar unha rede de trampas con lazo nun monte.

Segundo informou o Instituto Armado, axentes do Pacprona, tras ter coñecemento da desaparición dun animal de raza canina, localizárono atrapado xunto a outro can en cadanseu lazos no monte da Silva, en Vilarín. Con posterioridade un dos cánidos faleceu por mor das lesións producidas polo lazo.

Os axentes iniciaron “unha ardua investigación”, destacou a Benemérita, que levou á localización dunha “rede de trampas que abarcaba varios quilómetros” nunha zona de monte coñecida como A Silva, pertencente a Vilarín-Noceda, no termo municipal das Nogais.

“A rede estaba disposta nas sendas utilizadas polos animais silvestres para desprazarse, adaptando as mesmas mediante a colocación de vexetación para obrigar os animais a pasar polos lugares onde estratexicamente colocaba os lazos para que quedasen atrapados neles. Tamén se aproveitaba de bañas de xabarís, onde vertía gasoil a modo de atraente, colocando lazos nos accesos ás bañas”, concretou o Instituto Armado.

Nas inspeccións realizadas nestes lugares localizouse polo menos unha vintena de sitios preparados nos cales había activos 15 lazos de aceiro, puntualizou a Garda Civil. O presunto autor investigado foi sorprendido in fraganti cando colocaba uns lazos durante unha das inspeccións realizadas polos axentes do Pacprona. Esta persoa investigada foi posta a disposición xudicial.

ÚLTIMAS

Un motorista falece tras caer por un terraplén en Pedrafita do Cebreiro

Un motorista faleceu este venres tras precipitarse por un terraplén de 10 metros de...

PSdeG destaca 1.000 millóns en infraestruturas para Lugo

O secretario xeral do PSdeG na provincia de Lugo, José Tomei, e a deputada...

Veciña de Begonte detida por furto de xoias continuado nun centro de maiores

A Garda Civil, no marco da operación Renur1, detivo a unha veciña da localidade...

A Rede Museística, referencia do Estado en educación e investigación nos museos

'Xornadas Internacionais sobre museos e educación. Experiencias para difusión do patrimonio e o cumprimento...