InicioMedioambiente e PatrimonioA Deputación, finalista nun premio estatal polo seu plan para recuperar castiñeiros...

A Deputación, finalista nun premio estatal polo seu plan para recuperar castiñeiros nos Ancares

Os galardóns Copa España Creativa 2020 distinguen proxectos innovadores en ámbitos tan diversos como a economía, a cultura, a arte, o patrimonio e medio ambiente, a historia, a sociedade ou a sanidade.

PUBLICADA O

- Advertisement -

EFE | O xurado dos premios Copa de España Creativa 2020, co que se distingue aos proxectos máis innovadores e creativos de España, elixiu a Deputación de Lugo como finalista pola súa iniciativa para recuperar e poñer en valor bosques autóctonos de castiñeiros na Reserva da Biosfera dos Ancares Lucenses e Montes de Cervantes, Navia e Becerreá.

O premio é convocado pola Rede de Cidades e Territorios Creativos de España, constituída en Monforte de Lemos en 2016, sociedade da cal a Deputación de Lugo forma parte como socia fundadora.

O proxecto lucense foi seleccionado por un xurado profesional, presidido polo que foi director da RAE, Darío Villanueva e formado por 13 expertos “de recoñecido prestixio” en ámbitos “tan diversos como economía, empresa, cultura, arte, literatura, patrimonio, medio ambiente, historia, sociedade ou sanidade”, informa a Deputación nun comunicado.

A candidatura de Lugo foi seleccionada entre os vinte finalistas despois de avaliar “ducias de candidaturas de toda España”, dado que se presentaron “concellos, deputacións, colectivos profesionais, universidades e asociacións sen ánimo de lucro”.

O gañador coñecerase en maio na celebración do Fórum Orihuela 2020, onde cada aspirante terá que expoñer en público o seu proxecto. O 40% dos votos para decidir o gañador será emitido polo público en xeral a través das redes, mentres que o 60 % restante será dun xurado experto.

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

Adxudicada as obras de acondicionamento e mellora da LU-710 que conecta a N-V coa A-6, en Baralla

A Consellería de Vivenda e Planificación de Infraestruturas adxudicou por 2.302.355 euros a execución...

Falece o empresario José Rouco tras saírse da vía co seu vehículo e chocar contra outros dous estacionados

O empresario José Rouco perdeu a vida tras saírse da vía co seu vehículo...