Axentes da Policía Local interceptaron na cidade a un condutor que deu positivo por consumo de cocaína e levaba no maleteiro do seu coche a dous cans, “sen comida nin auga”.
Sucedeu este xoves cando unha patrulla do Grupo Operativo Nocturno da Policía Local deulle o alto a un condutor que, ao ser sometido ao test de drogas, deu positivo por consumo de cocaína e opiáceos.
Os axentes comprobaron que no maleteiro do seu vehículo viaxaban dous cans e, como o condutor non puido facerse cargo deles, solicitouse a presenza do equipo de Lacería da Protectora de Animais de Lugo. Ambos os cans foron trasladados ás instalacións da Protectora para o seu coidado. O coche foi inmobilizado e, posteriormente, trasladado polo guindastre ao depósito municipal.
