A área de Urbanismo do Concello de Lugo autoriza á Xunta de Galicia para executar a realización de obras de restauración no cubo XXXI da Muralla romana, unha intervención que terá un orzamento de 101.778 euros e un prazo de execución de 18 meses.

Segundo informou o goberno local, esa intervención por parte da Xunta de Galicia recibirá autorización este mércores por parte da xunta de goberno, co que a Consellería de Cultura, titular do monumento, terá luz verde para empezar as obras de restauración e consolidación dese cubo.

Durante a execución dos traballos, informa a área de Urbanismo, a intervención estará sometida a “permanente control arqueolóxico”, en coordinación cos servizos técnicos da Dirección Xeral de Patrimonio Cultural e ante calquera incidencia que poida “supor unha modificación do proxecto agora autorizado”.

De feito, a empresa adxudicataria das obras, antes de iniciar os traballos, terá que remitir un escrito do arqueólogo responsable das mesmas.