InicioMedioambiente e PatrimonioFotografar árbores autóctonas das terras de Lugo pode ter premio

Fotografar árbores autóctonas das terras de Lugo pode ter premio

A Deputación impulsa o VI Concurso de Fotografía das Reservas da Biosfera Terras do Miño e Ancares Lucenses, cuxo prazo de presentación permanecerá aberto ata o 31 de outubro.

PUBLICADA O

- Advertisement -

A Deputación de Lugo xa abriu o prazo para participar no VI Concurso de Fotografía das Reservas da Biosfera Terras do Miño e Ancares Lucenses. Nesta ocasión, o certame ten como temática central as árbores autóctonas presentes nestas áreas. Un total de 1.600 euros en premios alentan a presentar algunha imaxe ao concurso, cuxa data de finalización é o 31 de outubro deste 2019.

“Organizamos este certame para impulsar o coñecemento das nosas árbores autóctonas e do seu valor ambiental. Procuramos fotografías de árbores con características extraordinarias, que destaquen sobre o resto, xa sexa por idade, beleza, tamaño… ou ben de masas e formacións arbóreas como soutos e carballeiras”. Así o explicou o deputado de Medio Ambiente, José Luís Raposo Magdalena.

Poderán participar todas as persoas maiores de idade que estean interesadas e o único requisito é presentar unha única fotografía que non fose premiada en anteriores edicións. Contémplanse premios para as tres mellores fotografías, que serán escollidas en base a criterios de composición, orixinalidade e calidade estética da imaxe.

As obras, que poden ser en branco e negro ou en cor, deben realizarse no territorio das Reserva da Biosfera Terras do Miño e Os Ancares Lucenses e Montes de Navia, Cervantes e Becerreá. Os participantes deberán entregar un CD coa imaxe e unha copia en papel fotográfico. Cómpre presentalo dentro dun sobre pechado que inclúa o nome e apelidos do autor, data de nacemento, enderezo, teléfono, correo electrónico, título da obra e lugar onde se realizaron.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...