InicioEconomíaO polígono industrial de Rábade contará con videovixilancia intelixente

O polígono industrial de Rábade contará con videovixilancia intelixente

O programa da Consellería de Economía para mellorar as condicións dos terreos adicados á actividade empresarial aumentará a seguridade do polígono lucense

PUBLICADA O

- Advertisement -

Dentro do plan da Xunta de Galicia para mellorar as condicións de traballo no solo industrial, o executivo autonómico financia a implantación dun sistema de videovixilancia no polígono de Rábade. A Consellería de Economía, Emprego e Industria achegará 29.000 euros, o 80 por cento do custe total de instalación.

O delegado territorial da Xunta en Lugo, José Manuel Balseiro, explicou que a Consellería ten en marcha un novo programa de apoios para incrementar as infraestruturas e dotacións dos polígonos industriais. O obxectivo é “contribuír a crear espazos favorables para a actividade económica e deste modo impulsar a competitividade do noso tecido empresarial”.

No caso concreto de Rábade, o investimento servirá para instalar un moderno sistema de vixilancia, baseado en tecnoloxía intelixente que proporciona percepción da situación de risco en tempo real. Este tipo de instalación permitirá detectar e responder con maior axilidade ante unha incidencia. Entre outras ferramentas, sérvese de cámaras que procesan por si mesmas as imaxes e envían á central sinais de aviso.

As obras consisten na instalación do armario principal, incluíndo equipamento de fibra, videogravador, discos duros, e instalación en altura de 13 cámaras e de todo o cableado eléctrico e de datos necesario.

No conxunto da provincia de Lugo, o goberno galego investirá este ano 1,3 millóns de euros para intervir en 15 concellos. Esta liña de apoios está a permitir a modernización dos parques empresariais como dinamizadores da economía e do emprego local, na procura da súa mellora competitiva. Recentemente avanzouse unha partida para mellorar as conexións do polígono de Becerreá.

As achegas están destinadas esencialmente a executar actuacións en redes viarias e sistemas de saneamento, mellorar a xestión de residuos, e implantar sistemas de seguridade, como neste caso.

ÚLTIMAS

Desatascar a praia fluvial e as obras da Rolda Este, compromisos acadados entre Xunta e Concello

A Xunta de Galicia e o Concello de Lugo alcanzaron compromisos, tras unha reunión conxunta mantida este martes,...

A Deputación de Lugo vende cinco parcelas en dous polígonos industriais da provincia

Cinco novas parcelas industriais foron adquiridas nos polígonos de Paradela e Begonte nunha operación...

Dous mozos golpean no parque Rosalía de Castro a un home tras un altercado con dúas mozas por motivo de cartos

Un home maior foi golpeado brutalmente no parque Rosalía de Castro de Lugo por...

Cachan a dous condutores de patinete eléctrico borrachos en Lugo, un deles superando o límite penal

A Policía Local de Lugo detectou ao longo da semana pasada a dous condutores de patinete eléctrico...