As instalacións do Hospital Universitario Lucus Augusti (HULA) terán unha restricción importante nas vindeiras xornadas. Entre os días 11 e 15 de xuño recoméndase evitar ducharse ou beber das fontes e grifos das instalacións hospitalarias, e do 13 ao 15 non haberá auga quente.
Fontes hospitalarias confirman que a operación é “algo rutinario” e que se fai varias veces ao ano. A depuración periódica da rede sanitaria de auga realízase en cumprimento do Real Decreto 865/2003 de Prevención nas instalaciones térmicas, coma se fai en hoteis, residencias e demais instalacións compartidas por grandes grupos de persoas, e que por tanto son focos potenciais para a propagación de enfermidades.
Con arreglo ao plan da xerencia do HULA, a depuración terá lugar por bloques, de xeito que o proceso non afectará a todo o centro simultaneamente. Durante a desinfección progresiva de cada bloque, os restantes seguirán a contar con auga quente. O mesmo sucede cos quirófanos.
Os prazos de cinco días para a hipercloración e de tres días para a auga quente obedecen á esta programación progresiva. Poderían variar de comezar antes nun dos bloques, aínda que por precaución o normal sería manter o calendario previsto.
