InicioSucesosSete detidos como resultado da batalla campal da piscina do Corgo

Sete detidos como resultado da batalla campal da piscina do Corgo

A Garda Civil identificou a sete persoas implicadas na multitudinaria liorta da área recreativa do Chamoso (O Corgo) que rematou con catro feridos

PUBLICADA O

- Advertisement -

A investigación da pelexa rexistrada o domingo 2 de setembro na piscina do Corgo levou á detención de sete persoas implicadas. A Garda Civil identificara os supostos agresores mercé os testemuños dos presentes na área recreativa do Chamoso, logo dunha liorta que deixou catro feridos que tiveron que ser trasladados o HULA. Os detidos acudiron voluntariamente as dependencias do Instituto Armado.

Segundo recolle GaliciaConfidencial, os sete investigados están acusados de dous delitos, un de desorde público e outro de lesións. Durante a pelexa, que comezou a puñadas, chegaron a empregar cadeiras metálicas –entre outros obxectos contundentes– que ocasionaron feridas de certa consideración, ata o punto de motivar o traslado o Hospital Universitario Lucus Augusti.

Todo aconteceu no bar da piscina estreada este mesmo ano no Corgo. No lugar atopábanse arredor de trinta persoas, entre eles varios cativos. As primeiras informacións apuntaban a que a desputa tivera orixe nunha vinganza, debido a que con anterioridade se lle negara o acceso o grupo agresor. Porén, fontes da Garda Civil aseguran que a desavinza comezou pola adquisición duns xeados.

 

 

ÚLTIMAS

TSXG declara nulo o ‘catastrazo’ de Sarria tras unha demanda colectiva

A Sección Cuarta do Contencioso Administrativo do Tribunal Superior de Xustiza de Galicia declarou...

Detido un home por presuntas ameazas de morte contra a súa muller

A Policía Local de Lugo detivo por violencia de xénero a un home no...

A Deputación investirá máis de medio millón de euros en vías de Castroverde

A xunta de goberno da Deputación de Lugo aprobou este venres novas investimentos por...