Unha persoa tivo que ser excarcerada tras quedar atrapada no interior dun vehículo ao envorcar no Corgo, segundo informa o 112 Galicia no seu parte de incidencias. O ferido, tras ser liberado polos Bombeiros, foi evacuado nunha UVI móbil polos servizos sanitarios de urxencia.
Ao oito e media desta mañá, un particular chamaba ao 112 Galicia para pedir axuda. Indicaba que ía circulando pola autoestrada e viu un coche envorcado fóra da calzada, sen poder concretar a existencia de persoas feridas.
Con estes datos, os xestores do 112 pasaron aviso de inmediato ao Servizo de Urxencias Sanitarias de Galicia-061, tamén aos Bombeiros de Sarria e á Garda Civil de Tráfico. Nada máis chegar ao lugar dos feitos, os Bombeiros confirmaron a excarceración do ferido do interior do turismo, que estaba a ser atendido polos profesionais sanitarios.
