O veciño de Santa María de Piñeiro, no Corgo, acusado de agredir sexualmente a unha muller con discapacidade negou os feitos e mantivo este que as relacións foron consentidas. O xuízo arrincou este martes na sección segunda da Audiencia Provincial de Lugo.
A Fiscalía solicita 13 anos de prisión por presuntamente ter agredido sexualmente a esta muller, que presenta unha discapacidade intelectual do 65 por cento, nun alpendre próximo ao domicilio de ambos, nesta parroquia do Corgo. Ademais pide 8.000 euros de indemnización e unha orde de afastamento durante 15 anos.
Segundo a acusación pública, os feitos rexistráronse sobre as 17,00 horas de 9 de novembro de 2016, cando o procesado atopouse coa muller e pediulle que lle acompañara a un alpendre co propósito de manter relacións sexuais, ao que ela negouse.
A Fiscalía sostén que, nese momento, ameazouna con publicar uns vídeos dela, difusión que ela temía. No xuízo, o home (S.S.L) admitiu que mantiña unha relación “boa” coa muller (eran “curmáns segundos”) e que a que consideraba como unha “persoa normal” e “como outra calquera”. O acusado testemuñou que foi ela a que empezou a falar con el e que comezaron a “bicarse”, para despois irse a un ‘pendello’ onde consumaron a súa relación.
O home negou ameazala con exhibir vídeos comprometedores ou forzala e suxeitarlle as mans e precisou que foi ela a que se tombou encima dun chaleco e que, tras acabar e despedirse, “ela marchou á súa casa”.
A avogada, Mari Sol Luaces, anunciaba antes de entrar na sala que ía pedir a libre absolución, debido ás versións facilitadas pola suposta vítima. “Fixo chegar á Garda Civil unha carta na que ela recoñecía que fora cousa dos dous, que foi ela a que quería, que pedía desculpas e que non quería que continuase o tema e a pesar desa carta o tema continuou”, explicou.
A letrada aseguraba que ela facilitou “distintas versións do que ocorreu”. “Fala de que a pegou, que a arrastrou, que a tirou ao chan e arrastrouna, noutras denunciou que a ameazou con divulgar uns vídeos e que por medo aceptou e ela recoñece que nunca viu eses vídeos, e que non lle consta que existan, e a defensa baséase en que non hai ningunha proba de cargo porque ademais o informe forense di que non se advirten lesións”.
Pola súa banda, a acusación particular mantén a petición da Fiscalía. En canto á carta á que alude a defensa, que exoneraría o acusado, asegura que a misiva “foi obrigada” por un familiar da vítima.
