EFE – Redacción | A fachada da Federación de Caza en Lugo foi atacada na madrugada do domingo con pintura de cor vermella. Este novo incidente segue a varios episodios producidos durante o campionato provincial da fin de semana, nos que varios vehículos de activistas sufriron desperfectos e que incluso levou ao disparo dun arma de fogo. Francisco López, presidente do ente afectado, lamentou os “actos vandálicos” e confirmou que denunciarán os feitos perante o Corpo Nacional de Policía.

As pintadas afectaron ao cartel da Federación de Caza e a parede do baixo na sede ubicada na rúa San Roque, no cruce coa Rúa Hermanitas. Catro impactos de pintura tinguiron o rótulo, e debaixo quedou escrito Se tocan a unha, tocan a todas. Cazadores asasinos.

Este suceso contribúe a escalar a tensión entre o colectivo cinexético e as organizacións a prol do medio ambiente. O sábado, os activistas conseguiron atopar o lugar de celebración do campionato provincial, oculto pola Federación Galega de Caza e polas administracións. Malia a gravidade da resposta dos cazadores, a proba de caza do raposo seguiu adiante.