InicioSucesosDetido un condutor bébedo que agrediu a tres axentes en Lugo

Detido un condutor bébedo que agrediu a tres axentes en Lugo

A patrulla que interceptou ao infractor, un veciño da Pastoriza que conducía de xeito temerario polas rúas de Lugo, tivo que pedir reforzos

PUBLICADA O

- Advertisement -

Un home de 33 anos, veciño da Pastoriza, foi detido na madrugada do sábado por conducir de xeito temerario e baixo os efectos do alcol polas rúas de Lugo. Segundo informou o consistorio local, o detido chegou a agredir a tres axentes de Policía, que resultaron feridos de diversa consideración.

O individuo foi interceptado cando conducía de xeito temeraria por varias rúas da capital provincial. Nese momento, a patrulla da Policía que deu alto ao condutor solicitou reforzos, pois este mantiña unha actitude “agresiva e ameazante”.

Persoadas no lugar outras dúas patrullas, o infractor foi sometido á proba de alcolemia, na que arroxou un resultado positivo de 1,06 miligramos por litro. A continuación, os axentes comunicáronlle que debía acompañalos á comisaría para instruír as dilixencias pertinentes por un delito contra a seguridade vial; intre no que o individuo, como consta no relato policial, reanudou o seu comportamento agresivo e comezou a “lanzar patadas e golpes” cara aos policías.

Logo de ser reducido polas forzas da orde, este veciño da Pastoriza foi trasladado ao Punto de Atención Continuada de Fingoi, onde rexeitou realizar as probas pertinentes, así como o tratamento pautado polo médico de garda. De camiño a comisaría, o interfecto golpeou coa cabeza a pantalla de seguridade do coche patrulla.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...