O presidente da Deputación de Lugo, José Tomé, e a alcaldesa do municipio, Paula Alvarellos, inauguraron este xoves as novas prazas de aparcadoiro gratuítas do Fogar de Santa María.

Trátase dun proxecto no que a institución provincial investiu 465.000 euros para crear 164 estacionamentos, dos cales 33 quedarán reservados a persoal autorizado (traballadores de Deputación provincial e Policía Nacional) e 131 estarán a disposición da veciñanza desde esta mesma tarde.

José Tomé subliñou que esta actuación “os permitiu facer máis accesible, máis cómodo e máis útil este espazo no que nos atopamos” e destacou que as obras melloraron as condicións dos empregados públicos da Deputación.

“Pero tamén nos permitiu ofrecer a toda a cidadanía máis prazas de aparcadoiro fose do horario laboral dos traballadores provinciais”, sostivo o presidente provincial, que lembrou que “das 90 prazas de estacionamento que había neste recinto, pasamos ás 164 grazas a este proxecto”.