InicioEconomíaTraballadores de Abante concéntranse diante da empresa polas nóminas non pagadas e...

Traballadores de Abante concéntranse diante da empresa polas nóminas non pagadas e a falta de actividade

O comité de empresa pediu explicacións á dirección de Abante sen obter "ningunha resposta" pola problemática existente.

PUBLICADA O

- Advertisement -

Os traballadores da empresa de telemarketing Abante empezaron este mércores a mobilizarse, cunha concentración ante a empresa na cidade de Lugo porque se lles debe dúas nóminas e carecen de actividade.

O presidente do comité de empresa, Manuel Somoza, lamentou que non teñen “comunicación” coa dirección e apenas unha vez máis coincidiron co novo propietario desde que se fixo coa compañía en decembro.

Precisamente, as nóminas que reclaman son as correspondentes coa paga extraordinaria do mes de decembro, á que se une outra deste ano.

A situación agravouse, constatou o sindicalista da CIG, “porque non é só as nóminas”, senón a suspensión de distintas campañas que levaban desde esta empresa, que conta cun centenar de traballadores, aínda que “moitos deles a media xornada” e con soldos de pouco “máis de 800 euros”.

Entre outras “campañas”, Somoza declarou que tiñan a “do servizo 010 do Concello de Lugo, outra para Fillos de Rivera de Estrela Galicia e outra para a comunidade de Madrid na que “se daban citas”.

“Os que estabamos nesas campañas dun día para outro nos atopamos que non podemos realizar o noso traballo porque non nos podemos conectar aos servizos informáticos”, expón.

O comité de empresa pediu explicacións á dirección de Abante sen obter “ningunha resposta” pola problemática existente.

ÚLTIMAS

Pasará a disposición xudicial o profesor do CEIP Albeiros por presunto abuso a menores

O profesor do CEIP Albeiros de Lugo detido na xornada do mércores pola Policía Nacional investigado...

Ulloa Viva acusa a Rueda de “falta de respecto” aos participantes na manifestación contra Altri

A Plataforma Ulloa Viva tacha de "falta de respecto" cara aos asistentes á manifestación...

Hael Docampo, emprendedora que apostou pola gandería en Castroverde

Segundo sabemos, esta moza era máis de animais que de gando, pero co tempo...

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...