InicioLugo e contornaLugoLugo acolle unha exposición sobre os xoguetes históricos de cada xeración

Lugo acolle unha exposición sobre os xoguetes históricos de cada xeración

Preséntase como un "punto de encontro" entre pequenos e maiores da man do lecer.

PUBLICADA O

- Advertisement -

Lugo acollerá esta vindeira fin de semana unha exposición focalizada no lecer, os xoguetes, e o encontro de diversas xeración arredor deles. Así Xogabamos será o título destas xornadas que veñen organizadas pola área de Cultura en colaboración coa asociación Tebuki Toy, e que se poderá visitar no Museo Interactivo a partir do vindeiro sábado.

A concelleira de Cultura, Turismo e Promoción da Lingua, Maite Ferreiro explicou que “esta exposición é un percorrido por unha parte da nosa historia máis recente, na que toda a familia poderá compartir lembranzas da infancia e ver como mudan os tempos a través dos xoguetes que desfrutamos en cada xeración”.

A exposición abrirá as súas portas o vindeiro sábado 5 de febreiro a partir das 11 horas. Ao longo desta fin de semana, os integrantes de Tebuki Toy organizarán distintos obradoiros para nenas e nenos de 4 a 7 e de 8 a 12 anos. Estes terán lugar o sábado 5 de 11 a 12 e de 12:30 a 13:30, e o domingo 6 de 11 a 12 horas.

Asimesmo, segundo apuntan dende o Concello, a exposición poderá visitarse entre o 5 de febreiro e o 28 de maio, nos horarios de apertura do MIHL, de martes a venres de 10 a 13:30 e de 16 a 19:30, sábados, domingos e festivos de 10 a 14 e de 16:30 a 19:30, e durante a semana santa de 10 a 14h e de 16:30 a 20:30. O día internacional dos museos, 18 de maio, o MIHL abrirá en horario ininterrumpido dende as 10 ata as 20 horas.

ÚLTIMAS

Un motorista falece tras caer por un terraplén en Pedrafita do Cebreiro

Un motorista faleceu este venres tras precipitarse por un terraplén de 10 metros de...

PSdeG destaca 1.000 millóns en infraestruturas para Lugo

O secretario xeral do PSdeG na provincia de Lugo, José Tomei, e a deputada...

Veciña de Begonte detida por furto de xoias continuado nun centro de maiores

A Garda Civil, no marco da operación Renur1, detivo a unha veciña da localidade...

A Rede Museística, referencia do Estado en educación e investigación nos museos

'Xornadas Internacionais sobre museos e educación. Experiencias para difusión do patrimonio e o cumprimento...