InicioLugo e contornaLugoInvestigan un incendio que calcinou varios vehículos e motos de moito valor...

Investigan un incendio que calcinou varios vehículos e motos de moito valor nunha nave en Lugo

Hubo que desaloxar a catro portais de veciños.

PUBLICADA O

- Advertisement -

Un incendio rexistrado nunha nave situada da rúa Rei Don García de Lugo calcinou sete coches, catro motocicletas e unha caravana dun mesmo propietario. Con todo, non se rexistraron danos persoais. Así o confirmou o encargado do operativo de emerxencias, o bombeiro Enrique Trashorras, quen incidiu na importancia de “avisar con tempo” aos bombeiros ante un suceso destas características.

O aviso foi recibido ás 20,47 horas e ás 20,52 horas xa se atopaba na rúa lucense o dispositivo de bombeiros e policía local. “Houbo que desaloxar os portais 38, 36, 40 e 42, así como facer un control de ascensores”, matiza. Ademais, había persoas con mobilidade reducida ás que prestar especial atención.

Segundo veciños da zona, “nese garaxe gardábanse coches de moito valor, eran de colección”, apuntan. Con todo, Trashorras non pode certificalo pois “estaban feitos cinza por completo”. O que si se puido salvar son dúas motos, unha de auga e unha autocaravana.

O baixo, lugar que no seu día estaba ocupado pola recoñecida tenda eléctrica Baladrón, agora foi pasto das chamas. “Había moito fume e chamas moi altas”, describe o bombeiro, que explica que tiveron que acceder por “unha estancia paralela” ante a imposibilidade de facelo pola porta principal.

“As autoridades policiais están a levar a cabo a investigación”, pero por agora, nada se sabe sobre como puido producirse este incendio no medio da cidade.

ÚLTIMAS

Penas de prisión inferiores a tres anos para os imputados na peza orixinal da ‘Operación Pokémon’

A Audiencia Provincial de Lugo acordou impor este luns penas de prisión inferiores ao tres anos...

Capturan nun edificio da rúa Río Navia un lagarto ocelado de 40 centímetros

Unha patrulla da Unidade Territorial de Policía de Barrio da Policía Local de Lugo rescatou esta...

A Policía Local de Lugo detén a un home acusado de agredir e reter á súa parella

A Policía Local de Lugo detivo este fin de semana a un home acusado...

Un Xulgado de Lugo rexeita que o Consorcio deba indemnizar aos bombeiros por contratar efectivos durante a folga de 2023

O Xulgado do Social número 4 de Lugo rexeitou, tal e como solicitaban o...