InicioLugo e contornaLugoOrozco, tras o peche da investigación principal da Pokémon, espera que acabe...

Orozco, tras o peche da investigación principal da Pokémon, espera que acabe esta “longa noite de pedra”

O exalcalde quixo aclarar que a causa contra a súa persoa está arquivada "desde o ano 2018 por un auto da Audiencia Provincial" .

PUBLICADA O

- Advertisement -

O exalcalde de Lugo, Xosé López Orozco, pronunciouse este venres tras o peche da investigación principal da operación Pokémon, aberta en 2011 pola exjueza do xulgado de instrución número uno Pilar de Lara, para confiar en que pronto pase “esta longa noite de pedra”

En concreto, o xulgado concluíu a investigación da peza principal desta causa e ordena que a mesma se siga contra trece sospeitosos, entre os que figura o exconcelleiro de urbanismo na primeira etapa de Orozco e expresidente da Confederación Hidrográfica Miño-Sil, Francisco Fernández Liñares, a súa muller e once empresarios.

Orozco quixo aclarar que a causa contra a súa persoa está arquivada “desde o ano 2018 por un auto da Audiencia Provincial” e outro do 2017 respecto das acusacións sobre “todo os relacionado coa fábrica da luz e os autobuses.

O xuíz mantén que hai indicios de delito na concesión do servizo do guindastre por parte do concello de Lugo á empresa asturiana Cechalva, en 2005, así como a existencia dunha caixa B na compañía para realizar os pagos pactados por conseguir a adxudicación do servizo.

Orozco puntualizou que o caso se mantén tras aceptar a Audiencia “o recurso dun implicado” e ordenar estudalo xunto coa Pokémon”. “O maxistrado no auto de onte recolle ao pé da letra o que dixo o xuíz no ano 2017”, resolveu. É por iso que “unicamente” queda que se acepte o recurso do fiscal onde se lle exculpa “de todo o que fai referencia á ORA”. “Con iso, esa longa ‘noite de pedra’ espero que pase de min”, sentenza.

“Se esta quedando todo no que se ve que está a quedar, algo que nunca tivo sentido tal e como se realizou”, lembrou.

ÚLTIMAS

“Boa noticia para Lugo”, o TSXG confirma que o Concello de Lugo non ten que indemnizar ao promotor do Garañón

O Tribunal Superior de Xustiza de Galicia (TSXG) confirmou o fallo do Xulgado do...

Acepta ano e medio de prisión por insultar, acosar e ameazar a unha parella homosexual da cidade

Un home acusado de insultar, acosar, amedrentar e ameazar de morte a unha parella...

O PP oponse a rexeitar o proxecto de Altri, como pide o BNG

O Partido Popular opúxose este martes a rexeitar o proxecto de planta de celulosa de Altri...

A Deputación de Lugo reivindica o seu modelo de residencias de maiores

O responsable de Promoción Económica e Social da Deputación de Lugo, Pablo Rivera Capón,...