InicioLugo e contornaLugoPillan "in fraganti" a un exhibicionista que amosaba os xenitais na rúa...

Pillan “in fraganti” a un exhibicionista que amosaba os xenitais na rúa en Lugo

Proposto para sanción por "exhibición obscena" o home que se paseou cos pantalóns baixados por rúas de Lugo.

PUBLICADA O

- Advertisement -

Axentes da Policía Local de Lugo propuxeron para sanción de entre 601 e 30.000 euros por “exhibición obscena” a un home por pasearse pola cidade cos pantalóns baixados “ensinando os xenitais“.

Segundo relatou a Policía Local, tramitouse acta de denuncia por infracción á Lei de Protección da Seguridade Cidadá a un home de 44 anos que foi identificado por unha patrulla da Unidade Territorial de Policía de Barrio na esquina da Avenida de Ramón Ferreiro con Rodríguez Mourelo.

Testemuñas presenciais indicaron á Policía Local que o individuo camiñaba pola rúa Bispo Aguirre “cos pantalóns baixados, ensinando os xenitais”, resaltan as mesmas fontes.

Os axentes observaron que o individuo levaba uns pantalóns curtos e, ante a presenza dos policías, levantounos “apresuradamente“. “Aínda que neses momentos tíñaos subidos, tapando os xenitais, podíase apreciar que estaban baixados na zona do glúteo, por baixo das nádegas”, puntualiza a Policía Local.

Por iso, este home foi proposto para sanción de 601 a 30.000 euros para a súa remisión á Subdelegación do Goberno de Lugo pola “realización de actos de exhibición obscena”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...