InicioLugo e contornaLugoDonos de barracas asaltan o consistorio con berros de "queremos traballar"

Donos de barracas asaltan o consistorio con berros de “queremos traballar”

A concelleira de Cultura insiste en que o protocolo da Xunta pola crisos sanitaria "non permite ter recinto feiral en Lugo"

PUBLICADA O

- Advertisement -

Máis de medio centenar de donos de barracas ou feirantes protestaron este luns ao berro de “queremos traballar” e foron desaloxados do Concello de Lugo tras entrar detrás da concelleira de Cultura, a nacionalista Maite Ferreiro.

Na Praza Maior concentráronse parte destes pequenos empresarios, con pitos, o que levou a que saíse á rúa a concelleira Maite Ferreiro para explicarlles os condicionantes para abrir o recinto feiral durante o San Froilán, as festas patronais da cidade de Lugo que terán lugar do 5 ao 12 de outubro.

Unha vez concluídas as súas explicacións, sobre as limitacións que impón a Xunta, unha avalancha dos propietarios de barracas lanzouse detrás da edil ata entrar no Consistorio onde apenas se puido frear a entrada a estas persoas.

Posteriormente, con presenza da Policía Nacional e Policía Local foron desaloxados fóra do edificio institucional, pouco despois das 12,00 horas. Un dos feirantes, Ángel Gutiérrez, apelou a que levan “parados 20 meses”. “A gran maioría non saíu este ano e non nos chega para comer”, sinalou. Máis dun centenar destes traballadores dependen do sector en Lugo, abundou.

“Todos están a traballar e nós non. Agora vén San Froilán, as festas de Lugo que son moi boas festas e ademais moitos dos que estamos aquí non saímos en todo o ano, non fixemos nada e temos que comer como todo o mundo, queremos traballar”, sinalou Gutiérrez.

“ABERTOS A RECIBIR”

A concelleira de Cultura explicou que este acto era evitable dado que “desde esta área (cultura) sempre” estiveron ” abertos a recibir”. “E estaremos abertos a recibir a todo o que o requira“, asegurou.

Finalmente, e tras varias interrupcións, Ferreiro aclarou que eles se aferran ao “protocolo que a Xunta de Galicia establece e que non permite ter recinto feiral en Lugo, tal e como están marcados os protocolos sanitarios” no contexto da crise pola Covid-19 actual.

Dito isto foi increpada, e tras ela e o seu equipo de comunicación entraron os feirantes, que cesaron nas súas ameazas unha vez que chegaron varias patrullas da Policía Nacional e Local.

ÚLTIMAS

Ulloa Viva traslada aos grupos do Congreso a oposición ao proxecto de Altri

Unha delegación da Plataforma Ulloa Viva desprazouse este martes a Madrid para visitar o...

O BNG pide á Xunta que dote ao PAC de Lugo de persoal suficiente

A viceportavoz parlamentaria do BNG e deputada pola provincia de Lugo, Olalla Rodil, reclamou á Xunta que dote...

Baralla, epicentro de tres pequenos terremotos en pouco máis de dúas horas

O municipio de Baralla, en Lugo, foi epicentro de tres movementos sísmicos, rexistrados en pouco...

Medio centenar de produtores da Ulloa súmanse a un manifesto contra a instalación de Altri

Uns 50 produtores e empresarios da comarca da Ulloa e arredores sumáronse este martes...