InicioLugo e contornaLugoComezan as obras da Avenida Infanta Elena, que estarán listas "antes do...

Comezan as obras da Avenida Infanta Elena, que estarán listas “antes do inicio do próximo verán”

A Deputación inviste algo máis dun millón de euros na súa execución.

PUBLICADA O

- Advertisement -

O presidente da Deputación de Lugo, José Tomé, e a alcaldesa de Lugo, Lara Méndez, supervisaron este martes o inicio das obras de desdobramento e humanización da Avenida Infanta Elena en Lugo.

José Tomé expresou que as obras teñen un prazo de execución de “un ano”, pero espera que estean acabadas “antes do inicio do próximo verán”. A entidade provincial financia e executa os traballos cun orzamento que supera o millón de euros. Pola súa banda, o Concello impulsou o proxecto e achegou os terreos necesarios; tarefa “ardua e complexa” nun proceso de interlocución con “65 propietarios”, comentou a alcaldesa.

O traxecto en reforma vai desde a ligazón desta vía coa Ronda Norte á glorieta 25-N. O proxecto recolle a ampliación da estrada con entre dúas e tres carrís de circulación, unha glorieta á altura de Paulo Fabio Máximo, carrís bici, beirarrúas, iluminación LED, mobiliario urbano e árbores no percorrido.

“Vaise a mellorar a seguridade viaria e a accesibilidade dos condutores, viandantes e ciclistas”, comentou o presidente que cre que as obras “favorecerán a mobilidade sustentable”. Segundo indica a Deputación, a vía ten un tráfico diario “superior aos 8.400 vehículos” e tamén é “moi utilizada por peóns”. Supón o principal acceso á zona norte da cidade ao comunicar o centro cos polígonos do Ceao e As Gándaras e as saídas pola A-6 e a N-V.

Ambas as entidades destacaron este “exemplo de colaboración” entre institucións que “beneficia á cidade e á provincia”.

Lara Méndez sinalou que, “en breve”, farase algún anuncio acerca dunha segunda fase da mellora da vía. A alcaldesa tamén pediu a implicación da Xunta. “Necesitamos tamén a Rolda Leste”, demandou ao indicar que “evitaría ter que facer viaxes inútiles polo centro”.

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...