InicioLugo e contornaLugoA Policía Local de Lugo rescata a un bebé pechado nun vehículo...

A Policía Local de Lugo rescata a un bebé pechado nun vehículo coas chaves dentro

Os bombeiros tiveron que romper as fiestras do vehículo.

PUBLICADA O

- Advertisement -

Axentes da Policía Local de Lugo rescataron “en bo estado” a un bebé de catro meses que quedou encerrado nun vehículo coas chaves dentro durante varios minutos. Segundo relatou a Policía Local, ás 15,35 horas do pasado día 2 de agosto recibiuse aviso dun neno que se quedou encerrado no interior dun vehículo no aparcadoiro dun establecemento da Avenida Infanta Elena de Lugo.

Ao lugar trasladouse de inmediato unha patrulla da Unidade Territorial de Policía de Barrio, que contactou coa nai do menos, un bebé de catro meses, o cal estaba no asento traseiro, “aparentemente en bo estado”.

Ademais, ao lugar acudiu unha dotación de bombeiros que, despois de valorar as circunstancias, procedeu a romper o cristal dunha dos portelos dianteiros do automóbil, que quedara pechado coas chaves dentro. Deste xeito, puideron sacar ao bebé do interior “sen ningún tipo de lesión”, destacaron as mesmas fontes. A nai do neno, puntualizou a Policía, renunciou a asistencia médica, xa que soamente permaneceu no interior uns minutos.

OUTROS AUXILIOS

Por outra banda, ás 20,45 horas do día 3 unha patrulla acudiu a unha farmacia da Avenida da Coruña por unha muller de 70 anos que se atopaba desorientada. Manifestou que saíra do seu domicilio para ir a unha botica próxima e non sabía regresar porque levaba pouco tempo en Lugo, indicou a Policía Local.

A muller non era capaz de facilitar o seu nome completo, nin datos de familiares, nin o seu domicilio, polo que os axentes realizaron investigacións coa Policía Nacional, Garda Civil e Sergas, que resultaron “infrutuosas”.

Finalmente, cos “poucos datos característicos da contorna do seu domicilio”, destacan as mesmas fontes policiais, os axentes foron capaces de localizalo, onde lle esperaba unha familiar, que se fixo cargo da septuaxenaria.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...