O Vello Cárcere de Lugo abre as súas portas para acoller unha mostra de títeres procedente da Colección Viravolta Títeres, que permitirá “coñecer as distintas pezas necesarias para o funcionamento dun espetáculo de títeres”, segundo explicou a concelleira de Cultura, Turismo e Promoción da Lingua, Maite Ferreiro.
A exposición recolle materiais utilizados por Viravolta Títeres durante a súa carreira, unha das compañías máis antigas de Galicia fundada por Anxo García, Pilar Álvarez e Xulio Balado no 1982. Ferreiro inaugurou a mostra este venres 30 de xullo, e poderse visitar ata o 30 de outubro. A edil destacou que “a exposición axudará a entender o mundo dos títeres e a desfrutar destas pezas únicas procedente dunha das formas de expresión cultural con máis traxectoria da cultura galega”.
Na actualidade, Viravolta Títeres conta cun amplo repertorio con máis de 30 obras en diversos formatos nos que combinan as marionetsa coa música de cámara ou tradicional
