Axentes da Policía Nacional detiveron a un menor veciño de Lugo por roubar mediante un tirón o bolso a unha muller que camiñaba por unha rúa da capital luguesa.
Segundo informou a Policía Nacional, o Grupo dedicado á investigación de delitos contra o patrimonio da Brigada Provincial de Policía Xudicial da Comisaría Provincial de Lugo detivo a un mozo veciño da cidade que non contaba con antecedentes previos por un delito de roubo con violencia/intimidación.
A investigación iniciouse tras a presentación dunha denuncia por parte dunha muller, quen manifestou sufrir un tirón do bolso que portaba no seu ombreiro cando camiñaba en dirección ao seu traballo, pola Rolda da Muralla.
Segundo relatou a vítima aos axentes, foi abordada súbitamente por detrás por un mozo que lle agarrou o bolso, o cal lle arrebatou, e fixo que a muller caese ao chan, para acto seguido abandonar o lugar á carreira.
A vítima, con motivo da caída, tivo que ser asistida polo 061 no lugar e derivada ao Hospital Universitario Lucus Augusti (HULA) de Lugo para ser asistida das lesións que presentaba. O bolso foi recuperado posteriormente, do que botou en falta do seu interior un teléfono móbil e diñeiro.
Os investigadores, tras realizar diversas xestións, entrevistarse coa vítima e as testemuñas, así como visionar varias gravacións videográficas, logrou identificar e deter ao autor dos feitos, que foi trasladado a dependencias policiais. Ademais, foi recuperado o teléfono móbil da vítima.
O mozo detido, tras pasar a disposición da autoridade correspondente, foi ingresado nun centro de menores, confirmaron fontes policiais.