InicioSociedadeDetectados 60 positivos nun gromo en Paradai vinculado á cepa británica

Detectados 60 positivos nun gromo en Paradai vinculado á cepa británica

O foco de contaxio foi o colexio deste barrio lucense, onde se realizou un cribado tras os primeiros casos.

PUBLICADA O

- Advertisement -

O Sergas confirmou a existencia dun gromo de coronavirus vinculado ao colexio Paradai de Lugo, con 60 positivos entre escolares e familiares.

O director asistencial da área sanitaria de Lugo, Rafael Monte, detallou que os primeiros casos foron detectados a pasada semana e correspondíanse con nenos dalgunhas aulas do CEIP. Realizáronse cribados por aulas e, “ante a cantidade de positivos” confirmados, estendéronse as probas a todo o colexio.

Por iso, “hai 60 persoas afectadas entre nenos e pais”. “Esperamos que poida haber algún positivo máis en próximos días vinculado ás PCR de control e seguimento ás persoas illadas e cuarentenadas, que foron contactos de nenos ou pais”, abundou.

CEPA BRITÁNICA

Ademais, Rafael Monte explicou que desde hai unha semana dispoñen na área sanitaria de kits diagnósticos “que permiten sospeitar que estes gromos de Covid poidan estar vinculados a cepa británica”.

“Neste caso, realizamos mostras aleatorias das PCR deste gromo e temos sospeita de que a cepa británica está representada neste gromo de Paradai, igual que no de Guitiriz, comentou Monte, para engadir que “era de esperar” nun contexto en que existen casos en Portugal e noutras áreas sanitarias da Comunidade galega. “Antes ou despois era lóxico esperar que se estendese a Lugo”, engadiu.

Neste sentido, puntualizou que ata agora saben “que esta cepa se vincula a un risco de transmisibilidade elevado”. “O número de contaxios na nosa experiencia é maior ao que observabamos antes”, admitiu, pero matizou que, de momento, non teñen “evidencia de que se traduza en maior gravidade clínica dos afectados”.

Por tanto, á vista do sucedido xa en Guitiriz, e en función da evolución dos casos de Paradai, fixo fincapé en lembrar á cidadanía que “as medidas de restrición de contactos e hixiene que funcionan para a cepa estándar tamén funcionan para a británica”.

ÚLTIMAS

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...