InicioSociedadeA alcaldesa de Guitiriz apunta á cepa británica como causa da explosión...

A alcaldesa de Guitiriz apunta á cepa británica como causa da explosión de positivos

O coronavirus segue descontrolado no municipio e prevese que a incidencia aínda continúe medrando nos vindeiros días.

PUBLICADA O

- Advertisement -

O municipio de Guitiriz segue cos casos de coronavirus disparados. A alcaldesa, Marisol Morandeira, prevé que os positivos continuarán en aumento e apuntou que a cepa británica da Covid-19 podería estar detrás da alta incidencia da pandemia no concello.

En concreto, a Consellería de Sanidade informa de que se confirmaron 113 positivos nos últimos 14 días, de modo que a incidencia acumulada está por riba dos 2.000 por cada 100.000 habitantes. “Comezamos a semana con 123 casos activos, segundo nos confirman desde o centro de saúde, e isto non para de subir”, advertiu a rexedora de Guitiriz.

E é que a alcaldesa ten claro que ao longo desta semana os casos seguirán medrando debido a dous cribados que se realizarán no instituto e no CEIP Santo Estevo de Parga: “Estamos a falar de menores. Onde aparece un menor o normal é que dean tres ou catro positivos máis”, precisou.  Ademais, engadiu que nas unidades de convivencia a xente non usa máscara, polo que “é normal que aparezan máis casos”. “Hai que contar que esta semana vaia subindo (a incidencia)”, vaticinou.

UNHA CEPA MÁIS CONTAXIOSA

Morandeira tamén aludiu á variante detectada en Reino Unido como responsable desta subida “polo contraste de distintas mostras que parecen apuntar que parte dos contaxios veñen desa cepa, que é máis contaxiosa”.

Insistiu na alta incidencia que deixa a mutación do virus “pola maneira en como estourou todo, con eses contactos tan rápidos en menos de cinco días” que subiron o total de casos por encima do centenar: “Isto fai ver que poida estar detrás”.

Finalmente, a alcaldesa de Guitiriz explicou que os seus veciños poden estar autoconfinándos. Así, explicou que xa a semana pasada “a xente andaba menos polo centro urbano e había menos actividade”.

RESULTADOS DO CRIBADO

A elevada incidencia motivou a realización de cribados por parte do Sergas. O xerente da área sanitaria, Ramón Ares, informa de que se detectaron tres positivos nas 506 mostras recollidas o xoves pasado no municipio. O cribado centrábase, por un lado, no sector servizos e, polo outro, en completar as probas no colexio e entre os usuarios do centro de día.

ÚLTIMAS

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...