Un home de 92 anos que estaba ingresado no Hospital Universitario Lucus Augusti de Lugo (HULA) faleceu nas últimas horas por mor do coronavirus, segunda informan fontes da Consellería de Sanidade. Con este pasamento, xa serían 17 as mortes rexistradas por COVID-19 na nosa provincia.
Non obstante, este dato negativo coñécese nunha xornada na que Lugo afianzou a súa tendencia á contención do virus. E é que, segundo a última actualización do Sergas, a provincia contabilizou unicamente tres casos activos máis ca no día de onte, martes 7. O número total de positivos ascende a 566, pero continúan minguando as hospitalizacións e as altas colleron bo ritmo (72 en total).
APLANAMENTO DA CURVA
A fío disto, o director asistencial do Sergas en Lugo, Rafael Monte, falaba o luns 6 de abril dun “aplanamento da curva” en Lugo, aínda que advertía que “hai que estar alerta”.
