Entre as medidas adoptadas polo Concello de Lugo para frear a propagación do coronavirus, decidiuse pechar todos os parques municipais dende a tarde deste venres.
Así, todos os parques infantís e biosaludables permanecen precintados para impedir o paso. Ademais, co obxectivo de frear os contaxios, o Concello tamén decidiu reforzar a limpeza das rúas, mobiliario urbano, paradas de autobuses… con produtos especiais para hixienizar.
Así e todo, a alcaldesa pide á cidadanía que manteña a calma ante a situación e pide que se actúe con responsabilidade. “Todos e todas o temos que facer, administracións e veciñanza. Frear esta situación debe ser un traballo en equipo. Debemos adoptar as medidas de hixiene e atender ás indicacións das autoridades sanitarias”, sostivo.
