InicioSociedadeTécnicos municipais detectan humidades no novo auditorio, pero a Xunta réstalles importancia

Técnicos municipais detectan humidades no novo auditorio, pero a Xunta réstalles importancia

Persoal do Concello visitou hoxe esta infraestrutura cultural, paso previo á recepción oficial do edificio.

PUBLICADA O

- Advertisement -

EFE.-  Varios técnicos do Concello de Lugo desprazáronse hoxe ata as instalacións do novo auditorio da capital lucense para supervisar a infraestrutura antes da súa recepción oficial.  Na súa visita observaron humidades e filtracións de auga en paredes e teito, algo ao que a Xunta lle restou importancia e se comprometeu a solucionar.

Á espera de que cada un dos departamentos municipais presente os informes da inspección, o Concello avanzou que se detectaran varias “deficiencias” no interior do local, seguramente como consecuencia “da ausencia de actividade” no edificio. Amais de problemas de humidades, tamén se apreciaron danos “na tarima e nas escaleiras do patio de butacas da sala principal”, así como na grifería dalgún dos aseos.

O Concello  confía en que esas deficiencias “sexan resoltas con anterioridade á entrega desta infraestrutura” á administración local, de modo que esa cesión se produza “nas mellores condicións”.

RESPOSTA DA XUNTA

Pola súa banda, a Delegación Territorial da Xunta de Galicia en Lugo informou de que simplemente se aprecieron “humidades puntuais en varias estancias” que, segundo os técnicos da propia Consellería de Medio Ambiente, débense “á condensación, porque as instalacións estiveron pechadas durante catro anos”.

A Xunta asegura que estas deficiencias que son de “pequena entidade” e que serán eliminadas de “maneira inmediata”, dado que está previsto que nos próximos días se leve a cabo “unha limpeza integral das instalacións”, previa á súa entrega ao Concello.

Ademais, a Xunta tamén se ocupará nos próximos días de axardinar as zonas verdes en torno ao edificio.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...