O Concello de Lugo enviou unha comunicación á federación de municipios de Galicia para ofrecer a acollida dos migrantes rescatados polo buque Aquarius, da organización humanitaria SOS Mediterranée. A decisión de dispoñer as instalacións municipais foi tomada logo de conversas coas ONG Accem e Cruz Vermella, como anunciou este mércores o voceiro municipal, Miguel Fernández.
El #Aquarius se encuentra al sur de Sicilia; esta tarde llegará al Canal de Sicilia. La llegada al puerto de #Valencia dependerá de unas condiciones climatológicas que van a empeorar: se esperan olas de hasta 4 metros y viento de más de 35 nudos (65 km/h)https://t.co/JlNOY0fodZ pic.twitter.com/IyaQADORix
— Médicos Sin Fronteras (@MSF_Espana) June 13, 2018
A Consellería de Benestar Social, Igualdade e Inclusión, dirixida por Ana González Abelleira, porá a disposición os recursos e instalacións públicos para a acollida dos migrantes do Aquarius. A nave, que non obtivo permiso para desembarcar en Italia a 630 persoas rescatadas, navega dende o martes cara a Valencia. A meirande parte dos tripulantes foron transferidos a dúas embarcacións da marina italiana, pois resultaba imposible acadar o porto español nas condicións de habitabilidade previas. Así o confirmou SOS Mediterranée, que opera o Aquarius.
🔴UPDATE – 20:00 Le transbordement de 524 rescapés vers le navire Dattilo des garde-côtes italiens et de 250 autres vers l’Orione de la marine italienne est terminé. L’#Aquarius compte désormais 106 rescapés à son bord, dont 51 femmes, 45 hommes et 10 enfants pic.twitter.com/d9kzMWkVA8
— SOS MEDITERRANEE France (@SOSMedFrance) June 12, 2018
Prevista a chegada para o sábado, o Concello de Lugo solicitou a Accem e Cruz Vermella as instruccións oportunas para colaborar na atención dos migrantes. Estas organizacións son as que por protocolo ocuparíanse da acollida nos pisos de emerxencia de que dispón o municipio, amais do albergue municipal e a rede de prestacións e axudas sociais coas que conta. Segundo Fernández, a vontade tanto do goberno central e das cidades implicadas fala dun “cambio de paradigma” sobre a axuda humanitaria.
