InicioPolíticaO BNG pide un "plan de rescate" para o rural a través...

O BNG pide un “plan de rescate” para o rural a través dunha “política de discriminación positiva” de servizos

Pontón incide na necesidade de ter un medio rural "vivo" que conte con servizos como primeiro paso para o desenvolvemento económico.

PUBLICADA O

- Advertisement -

O BNG expuxo un “plan de rescate” para o rural galego que ten como primeira medida avanzar en políticas de “discriminación positiva” en materia de servizos cara ás zonas menos poboadas que sirva de primeiro paso para o desenvolvemento de proxectos económicos.

Así o avanzou a portavoz nacional do BNG, Ana Pontón, durante a súa visita este xoves a Friol para coñecer varios proxectos postos en marcha por mulleres, que destacou como mostras de que “é posible un rural vivo e con futuro”.

Tras denunciar que a Xunta “deixou sen executar” o 21% do orzamento no medio rural o pasado ano, Pontón incidiu na necesidade de que Galicia deixe atrás as políticas do PP porque fan que o rural “perda poboación, baixen as rendas e se recorten servizos básicos” como educación ou sanidade.

Así, expuxo as principais liñas dun “plan de rescate” para o rural. O primeiro, levar a cabo desde as administracións unha política de “discriminación positiva” en materia de servizos públicos que permita manter centros educativos, unidades sanitarias e oficinas bancarias, entre outras.

A segunda das “liñas estratéxicas” pasa por “lograr un rural produtivo” capaz de xerar “soberanía alimentaria” en Galicia, obxectivo para o que o Bloque expón “rescatar” 100.000 hectáreas para uso agrario durante a próxima década.

“Producir alimentos de calidade é clave como acabamos de ver na pandemia”, incidiu Pontón, segundo recolle un comunicado no que asegura que Galicia só dedica o 3,9% do seu superficia agraria a produtos de consumo humano, cando no conxunto do Estado destínase unha cuarta parte.

A innovación e a investigación constitúe a terceira pata da estratexia do BNG, que ve necesario que Galicia teña ferramentas para a venda de produtos de quilómetro cero, para o que propón a creación dun “amazon galego” para produtos frescos e elaborados agrogandeiros de venda por Internet.

Así mesmo, Pontón puxo o acento na importancia de dotar de infraestruturas de calidade ao medio rural que permitan “unha mobilidade propia do século XXI”, á vez que se establecen “rendas xustas e dignas” para produtores e gandeiros a través da prohibición por lei da venda a perdas.

MULLER E MOCIDADE

Todo iso, segundo apuntou a portavoz do Bloque, acompañado de estratexias que recoñezan o papel que xoga a muller, “imprescincibles” tamén no medio rural e que precisan de “máis apoio” para o desenvolvemento dos seus proxectos tanto a nivel económico como de ferramentas de concialización.

Por último, o BNG pon o acento na meta de “rexuvenecer o rural”, algo “imprescindible” e que pasa por facilitar a substitución xeracional “indo máis aló de axudas directas”. “Só poderemos levar á mocidade ao medio rural cando lle ofrezamos servizos, rendas dignas, infraestruturas, boas comunicacións, lecer, tecnoloxía”, concluíu.

ÚLTIMAS

O TSXG anula os servizos mínimos da Xunta para a folga de limpeza en Lugo de 2023

A sección primeira da Sala do Contencioso-Administrativo do Tribunal Superior de Xustiza de Galicia...

Interceptado un condutor borracho que fuxiu tras ter un accidente cun neno no asento dianteiro

Un condutor foi interceptado tras verse implicado nun accidente de circulación na confluencia da Avenida...

O PP presentará dúas iniciativas no Senado para reclamar ao Goberno a chegada da alta velocidade

O PP lucense anunciou este luns en Lugo que presentará dúas iniciativas no Senado...

A Policía Nacional desarticula un punto de venda de droga e intervén 140 doses de haxix

Efectivos da Policía Nacional de Lugo desarticularon un punto de venda de droga na...