InicioLugo e contornaFriolEvacuada unha muller tras recibir unha couce dunha vaca en Friol

Evacuada unha muller tras recibir unha couce dunha vaca en Friol

Foi trasladada en ambulancia ao HULA.

PUBLICADA O

- Advertisement -

Unha muller duns 43 anos de idade foi trasladada a un centro sanitario tras recibir a couce dunha vaca no termo municipal de Friol  na tarde do pasado luns. Segundo informou o 112 Galicia, tivo constancia dos feitos a través da chamada dos servizos sanitarios, poucos minutos antes das 20,00 horas.

Na comunicación, os profesionais de Urxencias Sanitarias de Galicia-061 informaron de que unha persoa acababa de recibir un golpe dunha vaca e que mobilizaban o helicóptero medicalizado con base en Santiago para o lugar da Gándara, pertencente á parroquia de Lea.

Con eses datos, os xestores do CIAE-112 alertaron á Garda Civil e aos membros da Agrupación de Voluntarios de Protección Civil do concello, por se fose necesario o seu apoio no lugar.

Finalmente, o equipo médico de urxencias confirmoulle ao 112 Galicia que a persoa foi trasladada en ambulancia. En concreto, o 061 enviou unha ambulancia de soporte vital básico que levou á muller, M.J.V.S., de 43 anos, ao Hospital Unibersitario Lucus Augusti de Lugo.

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...