InicioLugo e contornaLugoUn investigado na Pokémon e a súa nai aceptan seis meses de...

Un investigado na Pokémon e a súa nai aceptan seis meses de cárcere por ameazas a Pilar de Lara

Os feitos tiveron lugar cando os acusados atoparon a xuíza nun local e comezaron a increpala por xulgar ao fillo.

PUBLICADA O

- Advertisement -

Un investigado na Operación Pokémon, Miguel García Gesto, e a súa nai, R.M.F., aceptaron penas de seis meses de prisión e 1.600 euros para evitar a privación de liberdade por un delito de ameazas contra a xuíza lucense Pilar de Lara e aos seus acompañantes.

As partes chegaron a un acordo na vista celebrada este mércores no xulgado do Penal número dous de Lugo, na que o fiscal pedía inicialmente tres anos de cárcere para cada un dos acusados por un altercado ocorrido na zona vella de Lugo en 2013.

Así mesmo, condénaselles por lesións e danos, 160 euros para un dos acompañantes da xuíza e 95 para outra amiga de Pilar de Lara, ademais da prohibición de que se acheguen á xuíza a menos de douscentos metros durante ano e medio.

Segundo o escrito de acusación da Fiscalía, o acusado e a súa nai cando se atopaban nun local en Lugo sobre a unha e media da mañá do 28 de agosto de 2013. Alí, coincidiron coa xuíza instrutora da Pokémon, causa na que García Xesto figuraba como imputado, e empezárona a increpar. O Ministerio público sinala que cando a xuíza abandonaba o local, o agora condenado e a nai encerelláronse nunha refrega con ela e cos que a acompañaban, recibindo un deles unha labazada.

ÚLTIMAS

Traballadoras da limpeza dea Lugo protestan ante o Parlamento pedindo a mediación da Xunta

Traballadores do sector da limpeza de Lugo trasladaron a súa protesta este martes ás...

Xaneiro, a data para poñer en marcha os servizos do centro integral de Saúde en Lugo

O conselleiro de Sanidade Julio García Comesaña avanzou en sede parlamentaria a posta en...

Interceptan en Lugo a un home circulando sen permiso de condución

A Policía Local de Lugo interceptou este luns a un home que circulaba pola cidade e...

A Deputación de Lugo traslada á Plataforma Pro Residencia de Becerreá a súa “vontade” de abrir o centro canto antes

O deputado de Promoción Económica e Social, Pablo Rivera, reuniuse este luns no Pazo...