Os veciños do barrio lucense das Gándaras volverán manifestarse o vindeiro domingo, despois da misa das 12,00 horas, contra os okupas que teñen invadida unha das casas da zona.
Despois de lograr que abandonasen dúas das tres vivendas que ocuparon, agora habitan na “casa da beira do colexio” do barrio, segundo sinalou o presidente da Asociación de Veciños Gatos Roxos, Jaime Gueimunde. Un feito que tivo lugar tras a chegada á cidade do grupo Desokupa, especializado no desahucio dos que ocupan vivendas con métodos que, nalgúns caos, rozan a ilegalidade.
RECUPERACIÓN DAS VIVENDAS
Esta empresa ten entre os seus integrantes a persoas vinculadas con milicias, coa ultradereita e con ex militares.
Precisamente, Gueimundo destacou que nunha das casas ocupadas e agora liberada a propietaria ata conseguiu “recuperar as chaves”. A pesar de “afrouxar” o fenómeno okupa nas Gándaras, Gueimunde anunciou que “hai que seguir reivindicando que se modifique a lei para que estas cousas no caso de que volvan ocorrer póidanse solucionar o máis brevemente posible”.
“O domingo haberá unha nova concentración á saída da igrexa para seguir reivindicando contra a ocupación ilegal de vivendas, por unha mellor protección e vixilancia do barrio e para que os ocupas ante a idea de ocupar unha casa renuncien ao barrio das Gándaras”, concluíu.
