InicioLugo e contornaPontón presenta o BNG como "o motor que necesita Lugo para pór...

Pontón presenta o BNG como “o motor que necesita Lugo para pór en marcha todo o seu potencial”

A portavoz nacional do Bloque arroupou este mércores ao candidato da formación á Alcaldía de Lugo, Rubén Arroxo.

PUBLICADA O

- Advertisement -

A portavoz nacional do BNG, Ana Pontón, reivindicou que a formación frontista é “o motor que necesita Lugo para pór en marcha todo o seu potencial”, xa que a cidade atópase agora “paralizada e sen rumbo”.

Pontón arroupou este mércores ao candidato do Bloque á Alcaldía de Lugo, Rubén Arroxo, que indicou como “prioridades” do seu programa a recuperación do centro histórico, a modernización do transporte urbano e “máis” peonalización de rúas.

Todo iso, segundo Arroxo, para conseguir “un Lugo do que sentir orgullo”, algo que para o nacionalista “non vai conseguir nin o actual goberno local, nin o enviado de Feijóo que non quere ser alcalde, nin aqueles que tanto prometían e que foron desilusionando polo camiño”.

A líder frontista destacou que o BNG conta con “un equipo cualificado” liderado por unha persoa “capaz de pór en marcha o cambio que necesita esta cidade”. Así, fixo un chamamento aos veciños lugueses a “non caer na resignación, a confiar que se poden facer as cousas mellor, que hai un novo proxecto de cidade esperando a porse en marcha”.

+ posts

ÚLTIMAS

Case nove de cada dez euros para concellos do PSOE e BNG: a denuncia do PP contra a Deputación de Lugo

O reparto dos fondos da Deputación de Lugo a través de convenios cos concellos...

Tomé, convocado por “erro” á xunta de portavoces provincial para asinar a declaración contra a violencia de xénero

A sinatura da declaración institucional con motivo do 25 de novembro, Día Internacional da...

Desaloxados varios colexios en Lugo por ameaza de bomba

A Policía Nacional levou a cabo na mañá deste mércores desaloxos en colexios galegos...

Buscan en Suíza probas da falsa médica sobre a que pesa unha orde internacional de procura

O xulgado de instancia de Lugo, sección penal, praza 2, agarda resposta das autoridades...