InicioEconomíaContra o "desmantelamento" da Oficina Agraria Comarcal de Lugo

Contra o “desmantelamento” da Oficina Agraria Comarcal de Lugo

A parlamentaria do BNG Olalla Rodil denuncia que desde 2018 só está atendida por un técnico e un administrativo.

PUBLICADA O

- Advertisement -

A parlamentaria do BNG por Lugo, Olalla Rodil, anunciou a presentación dunha serie de preguntas en relación co “desmantelamento” da Oficina Agraria Comarcal de Lugo (OAC) que, segundo sinalou, desde 2018 só está atendida por un técnico e un administrativo.

Segundo o BNG, a Consellería de Medio Rural non cubriu os postos dos dous técnicos e un administrativo que cesaron, polo que “a falta de persoal está a causar graves perdas ao sector agrario na área de Lugo”.

Rodil explicou que a falta de efectivos para facerse cargo do traballo “dá lugar ao atraso nas certificacións e trámites administrativos para xestionar subvencións e asuntos referentes á documentación das explotacións.

“ABANDONO DO MEDIO RURAL”

Así mesmo, a parlamentaria do BNG sinalou que a cobertura dos postos de traballo “xa están recollidos na relación de postos da Xunta e, por tanto, dotados orzamentariamente”. Ademais, engadiu que “o feito de que non se cubran atende a unha política activa de abandono do medio rural galego”.

Tamén lembrou que o BNG leva tempo denunciando “o desmantelamento dos servizos públicos no medio rural e tamén a redución de gran parte da estrutura periférica das oficinas agrarias comarcais”.

A Oficina Agraria Comarcal de Lugo atende a seis concellos –Lugo, Portomarín, Guntín, O Corgo, Outeiro de Rei e Rábade–, con 7.321 explotacións agrícolas, das que 694 son prioritarias. Nesta oficina reciben ao ano a máis de 6.000 persoas, xestionan máis de 1.500 expedientes e uns 5 millóns de euros en axudas públicas.

+ posts

ÚLTIMAS

Case nove de cada dez euros para concellos do PSOE e BNG: a denuncia do PP contra a Deputación de Lugo

O reparto dos fondos da Deputación de Lugo a través de convenios cos concellos...

Tomé, convocado por “erro” á xunta de portavoces provincial para asinar a declaración contra a violencia de xénero

A sinatura da declaración institucional con motivo do 25 de novembro, Día Internacional da...

Desaloxados varios colexios en Lugo por ameaza de bomba

A Policía Nacional levou a cabo na mañá deste mércores desaloxos en colexios galegos...

Buscan en Suíza probas da falsa médica sobre a que pesa unha orde internacional de procura

O xulgado de instancia de Lugo, sección penal, praza 2, agarda resposta das autoridades...