InicioLugo e contornaLugoMenores de 17 e 13 anos rouban a turistas e enfrontanse a...

Menores de 17 e 13 anos rouban a turistas e enfrontanse a policías: “Sois unos hijos de puta… A ver si morís”

A nai dun dos mozos encarouse e insultou a policías aos que tamén chamou "hijos de puta" , polo que foi proposta para sanción por falta de respecto aos axentes.

PUBLICADA O

- Advertisement -

A Policía Nacional detivo na madrugada deste domingo a dous mozos de 17 anos de idade por un delito de roubo con violencia tras subtraer, mediante o método do ‘tirón’, o bolso a unha muller de turismo en Lugo e ferir o seu marido ao enfrontarse a eles.

Segundo explicou a Policía Nacional, en comisaría presentouse tamén, a efectos de identificación, a un terceiro menor, que resultou ter 13 anos e, por tanto, “inimputable dos feitos que realizara”.

Sobre as 00,00 horas deste domingo recibiuse unha chamada que alertaba de que unha muller era vítima dun roubo na rúa Ramón Montenegro, relatou a Policía Nacional. A muller, de 64 anos de idade, e o seu marido realizaban turismo pola cidade de Lugo e, no momento que se dirixían ao hotel, “víronse abordados por tres mozos que os rodearon e tiraron fortemente do bolso á muller, arrincándollo do ombreiro e botando a correr”, concretou a Policía.

O marido enfrontouse aos delincuentes, pero estes mostraron “unha actitude violenta” e foi agredido, indicou a Policía. Cos datos achegados e coa axuda veciñal, localizouse nunha praza próxima a un dos menores, o cal levaba oculto entre as súas roupas pertenzas da vítima.

Os outros dous mozos tamén foron sorprendidos cando deambulaban polos arredores. Na comisaría os dous menores detidos “presentaban actitudes chulescas e ameazantes” e fixeron comentarios como “Sois unos hijos de puta, a ver si morís”, destacou a Policía.

ENFRONTAMENTO DE PAIS

Así mesmo, asegura a Policía Nacional, a nai dun deles encarouse aos policías dicindo “fillos de puta, oxalá explotasen como bombas, asasinos”. Por iso, foi proposta para sanción por falta de respecto aos axentes da autoridade a normativa de seguridade cidadá.

Outro dos menores tentou fuxir da comisaría, para o que entre os outros dous fixeron “unha especie de pantalla” co fin de favorecer a súa evasión. “Pero foi alcanzado á carreira polos policías actuantes”, abundaron as mesmas fontes policiais.

Posto os feitos en coñecemento da Fiscalía de Menores, os mozos foron entregados aos seus proxenitores; o de 13 anos á súa avoa, o de 17 anos á súa nai e o outro de 17 anos que se atopaba fuxido do Centro de Menores Santo Anxo de Rábade, foi reintegrado a este.

Os menores quedaron en liberdade tras ser advertidos os seus familiares ou responsables de presentarse ante a autoridade xudicial cando sexan requiridos. Neste operativo interveu o Grupo de Radio Patrullas e o Grupo Operativo de Resposta (GOR) da Brigada Provincial de Seguridade Cidadá.

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

Adxudicada as obras de acondicionamento e mellora da LU-710 que conecta a N-V coa A-6, en Baralla

A Consellería de Vivenda e Planificación de Infraestruturas adxudicou por 2.302.355 euros a execución...

Falece o empresario José Rouco tras saírse da vía co seu vehículo e chocar contra outros dous estacionados

O empresario José Rouco perdeu a vida tras saírse da vía co seu vehículo...