O decano do Colexio de Avogados de Lugo, Félix Mondelo, reclamou, ademais dun novo xulgado do social para Lugo, outro de familia e un de violencia de xénero, este último tamén reivindicado por En Marea e o BNG.
O letrado considerou “prioritario” a posta en marcha dun novo xulgado do social para tratar de conter as demoras que se van ata os dous anos nos señalamientos e pide que entre en funcionamento este mesmo ano.
De feito, de porse en marcha neste exercicio, sinalan que aprazarían para o ano que vén a creación dos dous xulgados restantes. “En principio, un xulgado de violencia de xero e un xulgado de familia necesítanse”, reivindicou.
Mondelo asegurou que o colectivo que representa non se expuxo de momento mobilizarse para conseguir o xulgado do social, desvelando que están en “xestións co Ministerio de Xustiza”.
O tamén presidente do Consello Galego da Avogacía espera que frutifique toda a presión lanzada desde o Concello de Lugo, cunha declaración conxunta a favor dese novo xulgado do social referendada polo seis grupos políticos con representación municipal. “Imos esperar a ver que dan de si esas xestións. Imos esperar uns días a ver que pasa”, concluíu Félix Mondelo.
