InicioSucesosDetido un condutor en Lugo que tentou evadirse na proba de alcoholemia

Detido un condutor en Lugo que tentou evadirse na proba de alcoholemia

O detido, un veciño de Lugo de 32 anos, chegou a empurrar a un axente da Policía Local no intento por zafarse e abandonar o lugar

PUBLICADA O

- Advertisement -

A Policía Local de Lugo detivo a un condutor por delitos contra a seguridade viaria, resistencia, desobediencia e atentado contra axentes da autoridade. O individuo en cuestión foi interceptado con signos de conducir baixo os efectos de bebidas alcohólicas, fixo intentos por abandonar o lugar e chegou a empurrar a un dos efectivos policiais.

O implicado no incidente é un veciño da cidade, R.F.C.V., de 32 anos. Consta no relato da Policía Local que era o condutor dun vehículo con matrícula 6799CKG, e que circulaba na madrugada do xoves “de maneira anormal, dando aceleróns, con zigzaqueos e freadas” polo Carril das Hortas.

Contra as dúas da mañá, chegou á Rúa Paxariños e detívose nun semáforo na intersección con San Roque, malia que a luz estaba en verde. Os axentes decatáronse da circunstancia e baixaron do coche para interesarse polo condutor, comprobando que presentaba “evidentes signos” de atoparse baixo os efectos de bebidas alcohólicas.

Decontado, pedíronlle que se sometera á proba de alcoholemia, ao que se negou “de forma tallante” para tentar “abandonar o lugar, non sen antes dar un empuxón a un dos axentes”, informou a Policía Local. Para evitalo, os axentes tiraron del polo brazo, mentres o condutor interceptado realizaba espaventos, “impactando aos policías en varias ocasións”. Finalmente, o varón foi reducido e introducido “pola forza” no vehículo da Policía Local.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...