InicioPolíticaCampos prefire non presentar listas a levar "xente de fóra" nos concellos

Campos prefire non presentar listas a levar “xente de fóra” nos concellos

O presidente da Deputación e alcalde da Pontenova, Darío Campos, afirma que o Partido Socialista "tentará" presentar candidaturas nos 67 concellos lucenses

PUBLICADA O

- Advertisement -

O presidente da Deputación, Darío Campos, é contrario a que o Partido Socialista complete as listas na provincia de Lugo con membros da formación alleos á realidade local de cada concello. O asemade rexedor da Pontenova afirma que é preferible “non presentar candidaturas” se están compostas por “xente de fóra”. En datas recentes especulouse coa posibilidade de que o secretario xeral dos socialistas lucenses e voceiro en Friol, Álvaro Santos, se presentase na capital para reforzar o proxecto da actual rexedora, Lara Méndez, procedente de Cervo.

Campos admite que neste intre “se cadra é difícil” presentar listas nos 67 concellos da provincia de Lugo para os comicios locais do 26 de maio. Mais esta circunstancia, en opinión do presidente da Deputación, non debe levar á formación a levar foráneos. “Ás veces, é mellor non presentar candidaturas se a xente non é de alí que presentar unha candidatura con xente de fóra”.

“Hai que tentalo; se se pode, ben, e senón, non pasa nada”, declarou Campos pouco antes dun acto no Centro de Artesanía e Deseño (Centrad). Preguntado polo inminente ciclo electoral, que inclúe comicios xerais o 28 de abril, afirmou que o Partido Socialista “afronta co traballo feito” unha “época dura”. “Só queda vendelo e seguir traballando así ata o final da lexislatura”, reivindicando o liderado á fronte da Deputación, onde “estamos a sacar obras para adiante e a mellorar a calidade de vida de todos os lucenses”.

ÚLTIMAS

A alcaldesa de Lugo avoga por que a esquerda “axunte esforzos” na súa provincia para evitar “voto inútil”

A alcaldesa de Lugo, Lara Méndez, considera que a esquerda "debe axuntar esforzos", tamén na...

A provincia de Lugo desprega 112 operarios e 64 máquinas para garantir a seguridade viaria este inverno

O presidente da Deputación de Lugo, José Tomé Roca, presentou o plan de viabilidade invernal para...

Convocan as primeiras xornadas de Saúde Mental en Lugo, a provincia co maior número de suicidios en España

A asociación de voluntariado autonómica Stop Suicidio Lugo anunciou este venres a celebración das...

Brendan Shine, un inglés do Corgo que presenta o seu primeiro libro

Brendan Shine é un músico, cantante e deportista que leva anos asentado no Corgo...