InicioSociedadeEsixen repetir as eleccións no Colexio de Odontólogos de Lugo tralo fallo...

Esixen repetir as eleccións no Colexio de Odontólogos de Lugo tralo fallo do TSXG

A sentenza do Tribunal Superior de Xustiza de Galicia confirma a anulación da convocatoria e ordena un novo proceso para escoller o presidente do Colexio de Odontólogos de Lugo

PUBLICADA O

- Advertisement -

A representante legal de Alfonso Santalices cominou á repetición das eleccións do Colexio de Odontólogos de Lugo a raíz da sentenza do alto tribunal galego que anula o proceso. Os comicios, nos que saíu escollido Alejandro López Quiroga, perdendo Santalices por un voto, chegaran aos xulgados pola destrución de doce votos emitidos por correo, ademais da polémica pola constitución da mesa electoral.

Como consecuencia do fallo xudicial, a letrada Cristina Pérez Salgado asegura que queda confirmada a nulidade da acta electoral, polo que a repetición da convocatoria é obrigatoria. “Non fai falla interpretar nada porque o din moi claro as dúas resolucións xudiciais”. Malia todo, a avogada que representa a Santalices di que están preparados en caso dun recurso de casación perante o Tribunal Supremo.

De así acontecer, Santalices podería pedir “a execución provisional” do veredito, un extremo do que se descoñecen as consecuencias xurídicas, confirmou a letrada lucense. Pérez Salgado advirte de que, se a outra parte non recorre a decisión do Tribunal Superior de Xustiza de Galicia, só cabe cumprir coa repetición das eleccións, sexa voluntariamente ou a través da petición de execución forzosa.

A loita xudicial orixinouse por mor da destrución de doce votos emitidos por correo e declarados nulos pola mesa electoral. A constitución da propia mesa foi tamén posta en dúbida no marco dos comicios, celebrados o 23 de xuño do 2016, e que outorgaron a presidencia do Colexio de Odontólogos a Alejandro López Quiroga.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...