A Garda Civil informou dunha intervención humanitaria na presa de Os Peares, no termo municipal de Carballedo (Lugo), onde catro axentes lograron ‘rescatar’ a un home que se puxo en perigo ao empolicarse á parte exterior da ponte.

Os feitos ocorreron na madrugada do domingo, cando o 112 alertou á Garda Civil de que unha persoa se atopaba nunha zona perigosa da presa. Dúas patrullas trasladáronse ao lugar e observaron un home sentado no alicerce exterior da ponte, moi nervioso. Os axentes estableceron inmediatamente unha conversa para tranquilizalo e intentar que depuxese a súa potencial intención. Conseguiron gañarse a súa confianza e, nun momento da interacción, lograron suxeitalo. Os catro gardas civís sacárono a pulso do alicerce da ponte, poñéndoo fóra de perigo.

Segundo informou a Comandancia, o home, “emocionado”, deu as grazas aos axentes pola súa intervención, porque grazas a ela evitouse “que tomase algunha decisión errónea”. Ata o lugar trasladáronse os servizos de Emerxencias, que evacuaron o home ao Complexo Hospitalario de Ourense.